Pas Llallës, SHBA me një kërcënim të ri për politikanët e korruptuar - Bota Sot
Pas Llallës, SHBA me një kërcënim të ri për politikanët e korruptuar

Shqipëria

Pas Llallës, SHBA me një kërcënim të ri për politikanët e korruptuar

Më: 22 shkurt 2018 Në ora: 21:05
Donald Lu dhe Adriatik Llalla

Pas shpalljes së ish-kryeprokurorit Adriatik Llalla person ‘non grata’ në SHBA, ka reaguar i ngarkuari me punë në ambasadën e SHBA në Tiranë David Muniz.

Ai është pyetur për faktin nëse autoritetet amerikane do të ishin të gatshme për bashkëpunonin për identifikimin e zyrtarëve të korruptuar në Shqipëri. Zyrtari amerikan tha se qeveria e SHBA është gati të bashkëpunojë për hetimin e zyrtarëve të korruptuar.

“Qeveria e SHBA është gati të bashkëpunojë me çdo hetim të zyrtareve të lartë të korruptuar”- tha David Muniz, raporton ‘BalkanWeb’.

Kujtojmë se i vetmi i akuzuar publikisht deri më tani është ish-kryeprokurori Adriatik Llalla, i cili u tërhoq nga sistemi i drejtësisë, duke i shpëtuar vettingut.

Departamenti Amerikan i Shtetit e shpalli pak ditë me parë si person të padëshiruar Adriatik Llallën dhe familjarët e tij, duke i ndaluar hyrjen në SHBA, pasi ai dyshohet se është i përfshirë në korrupsion gjatë kohës që ishte në detyrën e kryeprokurorit.

Në lidhje me këtë vendim të SHBA ka reaguar më herët edhe ish kryeprokurori Adriatik Llalla.

“Vendimi ka ardhur si pasojë e keqinformimit që ambasadori Lu i ka bërë Departamentit të Shtetit. Lu më ka fyer mua, familjen time gjithashtu dhe gjithë trupën e prokurorëve dhe gjyqtarëve në Shqipëri. Lu na ka trajtuar si kriminelë, duke na denigruar publikisht dhe personalisht”, tha ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test