Prej dy vitesh e zhvishte në klasë/ Familjarët: Vajza kishte frikë se mos e rrihnim, mësuesi na vinte për vizitë - Bota Sot
Prej dy vitesh e zhvishte në klasë/ Familjarët: Vajza kishte frikë se mos e rrihnim, mësuesi na vinte për vizitë

Shqipëria

Prej dy vitesh e zhvishte në klasë/ Familjarët: Vajza kishte frikë se mos e rrihnim, mësuesi na vinte për vizitë

Më: 17 shtator 2018 Në ora: 10:28
Ilustrim

Familja e vajzës e cila është abuzuar seksualisht nga mësuesi i saj 63-vjeçar, është tronditur gjatë mesnatës nga të shtënat me armë zjarri, këto në formë kërcënimi. Kjo histori kishte dy vjet, e ndërsa vajza nuk i kishte treguar gjë prindërve, pasi kishte frikë se do ta dhunonte i ati. Mësuesi i cili ishte në prag pensioni, nxirrte nxënësit të gjithë jashtë klase, për të ngacmuar më tej të miturën.

Mësuesi i moshuar ka abuzuar seksualisht me nxënësen e tij minorene, banore e fshatit Luftinjë, pjesë e Bashkisë së Memaliajt. I ati i vajzës 11-vjeçare ka mbetur i shokuar kur ka mësuar përmes gruas së tij ngacmimet seksuale, që i kishte bërë mësuesi të bijës, shkruan “shqiptarja.com”.

Ai dhe bashkëshortja e tij kanë mësuar gjithçka pas një telefonate anonime të kryer në telefonin e shtëpisë, të shtunën e kaluar. Kjo thirrje në telefon ka qenë informuese për abuzimet që ka kryer mësuesi ndaj të miturës, nxënëse e klasës së pestë. Pas kësaj, i ati i vajzës ka gjykuar që këtë çështje ta ndjekë në rrugë ligjore.

“Isha në gjumë kur ra telefoni. Foli vajza, filloi të qajë dhe më tregoi të vërtetën. Mësuesi e kishte zhveshur, i kishte nxjerrë nxënësit e tjerë përjashtë. Do ndjekim rrugët ligjore, na ra bomba në shtëpi. Mësuesi ka ardhur këtu për vakira, nuk kishim gjë me të”.

Ndërkaq e ëma e vajzës së ngacmuar seksualisht, e thellon akoma skandalin, duke pranuar se mësuesi i fshatit, ka lënë gjurmë në abuzimet seksuale në dëm të së bijës. Ajo ka treguar tmerrin që ka përjetuar, pasi e bija i kishte rrëfyer në detaje çfarë sjellje kishte mësuesi ndaj saj.

“Vajzën e ngrita unë nga gjumi dhe e rraha. I thashë ‘çfarë janë këto që po dëgjoj’. Më tha se ka dy vjet që ndodh, por nuk kam treguar se kisha frikë se më rrihte babai. Vajza më tregoi se i nxirrte nxënësit e tjerë jashtë, dhe e mbante atë në klasë. Ne kemi pasur raporte shumë të mira me mësuesin, na ra si bombë kjo”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...