Edhe pse gjatë mesditës temperaturat janë të larta, vjeshta është në kulmin e saj.
Moti për pasditen e sotme dhe nesër do të ketë surpriza, pasi do të ketë reshje shiu.
Sipas Institutit të Gjeoshkencave, Energjisë, Ujit dhe Mjedisit, moti do të ketë luhatje.
Ja parashikimi i plotë:
Reshjet
Sot pasdite dhe nesër priten reshje lokale, të dobëta në disa prej qarqeve
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 14 / 24 °C
në vendet e ulëta: 13 / 25 °C
në vendet malore: 8 / 20 °C
Era
Sot pasdite dhe nesër era do të vazhdojë të fryjë e lehtë deri mesatare gjatë pasditeve.
Rreziku i zjarreve
Sot pasdite dhe nesër të gjithë qarqet pritet të mbeten në nivelin ‘i moderuar’ të rrezikut për zjarre (siç tregohet në tabelë, respektivisht për secilin qark).
Qarqet Fier, Berat dhe Dibër pritet të kenë rrezik më të lartë krahasuar me qarqet e tjerë të vendit.
Rreziku pritet të jetë më i lartë gjatë ditës së sotme.
