Qytetari e uron “Lart e më lart!”, Rama: Më shumë se 198 cm, ku të shkoj? - Bota Sot
Qytetari e uron “Lart e më lart!”, Rama: Më shumë se 198 cm, ku të shkoj?

Shqipëria

Qytetari e uron “Lart e më lart!”, Rama: Më shumë se 198 cm, ku të shkoj?

Më: 14 nëntor 2018 Në ora: 11:38
Edi Rama dhe qytetari

Kryeministri Edi Rama është takuar sot me qytetarët që kanë gjetur zgjidhje në platformën Shqipëriaqëdua.al.

Shefi i qeverisë apeloi sot që qytetarët të vazhdojnë që ta përdorin atë si një mundësi reale për dëgjimin e zërit të tyre. Nga eventi i bashkëqeverisjes nuk kanë munguar as batutat e kryeministrit me qytetarët.

“Ty të faleminderit shumë dhe lart e më lart”, ka thënë një pensionist nga Kuçova, i cili prej kohësh nuk merrte pensionin e plotë, por kishte gjetur zgjidhje për shqetësimin e tij.

“Më lart se 198 cm nuk kam ku shkoj, por faleminderit shumë. Ne jemi këtu për zgjidhjen e çdo rasti kur llogaria e pensionit nuk është e duhura. Kjo është një mundësi reale që të gjendet rruga”, tha Rama.

Ai theksoi më tej se për 3 minuta një qytetar mund të vërë në lëvizje një mekanizëm të tërë për zgjidhjen e një problemi.

“Një deputet nuk arrin dot që për 3 minuta ta vërë një ministër në shërbim të komunitetit apo një individi. Një qytetar arrin pasi automatikisht sapo çështja hyn në proces apo regjistrohet në portal, koordinatorët në bashkëpunim dhe falë autoritetit që kanë nga titullari vënë në lëvizje mekanizmat”, iu përgjigj Rama.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test