Schwarz më i miri në superkombinimin - Bota Sot
Schwarz më i miri në superkombinimin

Skijim

Schwarz më i miri në superkombinimin

Nga: Kemajl Goca Më: 18 janar 2019 Në ora: 16:07
Marco Schwarz, foto REUTERS/STEFAN WERMUTH

Skiatori nga Austria, Marco Schwarz, shënoi fitore të madhe në disiplinën e superkombinimit, që u mbajt në Wengen të Zvicrës. Ai ishte më i mirë se francezi Victor Muffat-Jeandet. Schwarz zuri pozitën e parë me kohë të kaluar për 2:36,92 minuta apo me kohën më të shpejt për 22 qindtat se Muffat-Jeandet.

Në vend të tretë renditet francezi Alexis Pinturault me kohën më të dobët për një sekondë e 12 qindtat se pozita e parë apo për 11 qindtat ishte më i mirë se zvicerani Mauro Caviezel.

Norvegjezi Kjetil Jansrud u përpoq me të gjitha mundësitë por nuk arriti më shumë se në vend të shtatë, duke ngecur për një sekondë e 87 qindtat se pozita e parë. Në renditjen e përgjithshme të Kupës, Hirscher udhëheq me 976 pikë, pasojnë Kristoffersen (571), Pinturault (554) etj.

Rezultatet

1. Marco Schwarz (Austria)        2:36,92

2. Victor Muffat-Jeandet (Franca)      +00,22

3. Alexis Pinturault (Franca)       +01,12

4. Mauro Caviezel (Zvicra) +01,23

5. Romed Baumann (Austria)    +01,56

6. Pawel Trichischew (Rusia)     +01,83

7. Kjetil Jansrud (Norvegjia)       +01,87

8. Riccardo Tonetti (Italia) +01,96

9. Vincent Kriechmayr (Austria) +02,31

10. Christof Innerhofer (Italia     +02,39

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...