As laiku më i madh nuk ka pritur fitoren e Josef Ferstl nga Gjermania! Skiatori gjerman befasoi të gjithë në disiplinën e supersllallomit të madh, e cila u mbajt në Kitzbuhel të Austrisë. Ai shënoi fitore të madhe me kohë të kaluar për 1:13.07 minuta. Dramë e vërtetë u zhvillua në Kitzbuhel, për faktin se diferenca ka qenë shumë e ngushtë mes shtatë skiatorëve. Diferenca mes vendit të parë dhe të shtatit ka qenë 26 qindtat e sekondës.
Johan Clarey nga Franca zuri vendin e dytë me kohë më të dobët për tetë qindtat se vendi i parë dhe për dy qindtat se pozita e tretë, italiani Dominik Paris. Austriaku Vincent Kriechmayr renditet në vend të katërt me 18 qindtat e kohës më të ngadalshme se Ferstl dhe për tri qindtat ka qenë më i mirë se bashkëkombësi ti tij Matthias Mayer, që zuri pozitën e pestë.
Në renditjen e supersllallomit, Kriechmayr udhëheq me 236 pikë, pasojnë Mayer (233), Paris (230) etj. ndërsa në renditjen e përgjithshme të Kupës së Botës, Hirscher prinë me 1.116, pasojnë Kristoffersen (671), Pinturault (652), Paris (550) etj.
Rezultatet
1. Josef Ferstl (Gjermani) 1:13.07
2. Johan Clarey (Franca) +0.08
3. Dominik Paris (Italia) +0.10
4. Vincent Kriechmayr (Austria) +0.15
5. Matthias Mayer (Austria) +0.18
6. Aleksander Kilde (Norvegjia) +0.19
7. Brice Roger (Franca) +0.26
8. Alexis Pinturault (Franca) +0.41
9. Christof Innerhofer (Italia) +0.46
9. Adrian Smiseth Sejersted (Norvegjia) +0.46
