Skiatorja 22-vjeçare nga Çekia, Ester Ledecka, fitoi medaljen e artë në supersllallomin e madh në Lojërat Olimpike Dimërore – PyeongChang 2018. Ishte befasia më e madhe e kësaj gare sepse askush nuk e kishte llogaritur çeken se do të triumfoi dhe ka qenë një fitore dramatike, për faktin se ishte për një qindtën më e shpejt se austriakja Anna Veith. Ester Ledecka zuri vendin e parë me kohë të kaluar për 1:21.11 minuta, duke lënë pas Veith dhe për 11 qindtat Tina Weirather nga Lihteshtejni. Garë dramatike dhe që mbajti në emocione shikuesit, më së miri e tregon edhe diferenca vetëm një e qindtës epërsi e Ledeckës nga Veith. Weirather renditet në vend të tretë me 11 qindtat larg vendit të parë por për 1 qindtën ishte më e shpejt se Lara Gut e Zvicrës dhe pesë qindtat se italiania Johanna Schnarf.
Rezultatet
1.Ester Ledecka (Çekia) 1:21.11
2. Anna Veith (Austria) +0.01
3. Tina Weirather (Lihteshtejni) +0.11
4. Lara Gut (Zvicra) +0.12
5. Johanna Schnarf (Italia) +0.16
6. Federica Brignone (Italia) +0.38
7. Lindsey Vonn (SHBA) +0.38
8. Cornelia Huetter (Austria) +0.43
9. Michelle Gisin (Zvicra) +0.46
10. Viktoria Rebensburg (Gjermania) +0.51