Garat me motoçikleta do të rikthehen sot në Brno.
Në Brno të Çekisë do të zhvillohet Grand Prix i radhës këtë sezon, shkruan lajmi.net.
Kjo garë do të jetë diçka më e zbehtë pasi kampioni Marc Marquez nuk është aty për të kontestuar pozitën e parë.
Nga pozita e parë sot do të niset Zarco i Ducati, kurse nga pozita e dytë fillon Fabio Quartararo, i cili njëkohësisht shihet si favorit për triumfin, gjithnjë në mungesë të Marquez të Honda.
Gara do të jetë e veçantë edhe për ‘Doktorin’ italian, Valentino Rossi.
Rossi do të synojë podiumin sot për herë të 200-të në karrierën e tij, në pistën e Brno, ku ka shënuar fitoren e parë të tij.
Gara në Brno do të fillojë në ora 14:00.
