Ministri Çeku thotë se ka mundësi që Kuvendi Zgjedhor i FFK-së të përfundojë në gjyq

Sporti

Ministri Çeku thotë se ka mundësi që Kuvendi Zgjedhor i FFK-së të përfundojë në gjyq

Më: 14 prill 2022 Në ora: 23:47
Hajrullah Çeku

Rreth zgjedhjeve të përfunduara në Federatën e Futbollit të Kosovës, ka folur edhe Hajrullah Çeku, ministër në Ministrinë e Kulturës, Rinisë dhe Sportit.

I pari i MKRS-së ka thënë se kanë pasur komunikim zyrtar me FFK-në dhe i kanë njoftuar ata për mendimet e tyre ligjore.

Çeku ka thënë në Kanal 10 se janë duke përgatitur pozicionin përfundimtar i cili mund të përfundojë edhe në instancat gjyqësore.

“Ne kemi pasur një komunikim zyrtar me FFK-në. I kemi njoftuar ata për mendimet tona ligjore rreth rregullsisë, ligjshmërisë së shpalljes së zgjedhjeve të brendshme. Kemi kërkuar sqarime nga FFK për dyshimet që i kemi ngritur”.

Ai tha se në lidhje me këto dyshime dhe sqarimet e kërkuara kanë pranuar përgjigje nga FFK dhe janë duke u përgatitur për pozicionin përfundimtar.

“Ne i kemi pranuar përgjigjet e FFK-së dhe jemi duke u përgatitur për pozicionin përfundimtar i cili mbase mund të përfundojë edhe në instancat gjyqësore”, ka thënë Çeku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat