Një fotografi që e ruan me fanatizëm dhe është para 29 viteve, në fund të dhjetorit të vitit 1989.
Ky është Ejup Maxhera, atëkohë kryetar i Federatës Bjeshkatare Alpiniste të Kosovës – FBAK dhe njëri prej nismëtarëve për pavarësimin e sportit të Kosovës. Maxhera tregon se si u takua në fund të dhjetorit të vitit 1989 me Presidentin historik të Republikës së Kosovës, dr. Ibrahim Rugova.
Sipas Maxherës, ishin periudha të vështira, por presidenti Rugova na dhe mbështetje të fuqishme në rrugën tonë të pavarësimit të sportit të Kosovës nga ai serbosllav.
