Tetovarët vitin e kaluar kanë dhuruar 2.477 njësi gjaku

Tetova

Tetovarët vitin e kaluar kanë dhuruar 2.477 njësi gjaku

Më: 12 janar 2022 Në ora: 14:40
Foto ilustrim

Në vitin 2021 në rajonin e Tetovës dhe pesë komunat rurale janë mbledhur gjithsej 2.477 njësi gjaku, njofton organizata komunale Kryqi i Kuq – Tetovë.

Të gjitha aksionet e dhurimit të gjakut janë realizuar në bashkëpunim me ekipet e ekspertëve nga Qendra për mjekësi transfuzive në Tetovë.

“Në vitin 2021 kemi grumbulluar 2.477 njësi gjaku, që është më shumë se në vitin 2020 kur kishte 2.121 njësi gjak. Ky është përmirësim edhe pse ne kemi qenë në repartin me Kovid-19 për këto dy vite.

Dhuruesit e gjakut japin kontribut të rëndësishëm në shpëtimin e jetës së dikujt. Falë dhuruesve të gjakut dhe humanizmit të tyre të madh, ne Kryqi i Kuq dhe shërbimi transfuzioni mund të themi se kemi një vit të suksesshëm”, tha Shkëlqim Murati, sekretar i organizatës komunale të Kryqit të Kuq – Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat