Komuna e Tetovës: Ndërpriten punimet në rrugën “Strasho Pinxhur”

Tetova

Komuna e Tetovës: Ndërpriten punimet në rrugën “Strasho Pinxhur”

Më: 20 prill 2022 Në ora: 12:23
Foto ilustrim

Komuna e Tetovës nëpërmjet një njoftimi informon se do të ndërpriten punimet e filluara në rrugën “Strasho Pinxhur”, për shkak të siç thonë, reagimeve dhe mosmarrëveshjeve të krijuara nga këshilltarët e listës “Më mirë për Tetovën”.

Nga Komuna e Tetovës thonë se kjo rrugë do të bëhet konform të gjitha standardeve, duke përfshirë edhe kanalizimin e rrjetit të ujësjellësit, kanalizimin fekal dhe atmosferik.

“Komuna do të pres sqarim nga këshilltarët e listës “Më mirë për Tetovën”, ne lidhje me reagimet e tyre dhe cili është propozimi për të vazhduar me punë. Tashmë dihet se kjo rrugë pothuajse më shumë se një vit është e pakalueshme dhe humbjet më të mëdha i kanë ndjerë bizneset që operojnë në këtë pjesë të qytetit dhe banorët që qarkullojnë në këtë aks rrugor”.

“Të gjithe e kuptojmë rëndësinë e ambientit dhe për këtë shkak Ne pohuam se do të mbjellen pemë të reja. Kërkojmë falje dhe mirëkuptim nga qytetarët për ndërprerjen e punimeve, por u garantojmë se pas zgjidhjes së mosmarrëveshjeve punimet do të fillojnë ashtu siç janë planifikuar”, thuhet në njoftimin e Komunës së Tetovës.

Ndryshe, dje me vendim të komunës janë prerë drunjtë e vjetër në rrugën “Strasho Pinxhur”, gjë që shkaktoi reagim te qytetarët dhe këshilltarët e iniciativës “Më mirë për Tetovën”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat