Të dyshuarit për pedofili në Tetovë i caktohet masa e paraburgimit

Tetova

Të dyshuarit për pedofili në Tetovë i caktohet masa e paraburgimit

Më: 11 gusht 2022 Në ora: 20:19
Foto ilustrim

Gjykata e Tetovës i ka caktuar masë paraburgimi 8 ditor personit të dyshuar për pedofili, M.A 27-vjeç nga Tearca e Tetovës. Dyshohet për kryerjen e veprës penale joshje të fëmijës që nuk i ka mbushur 14 vjet dhe tërheqja për marrëdhënie seksuale.

27-vjeçari dje u arrestua nga policia, pasi një nënë nga Kosova rrëfeu për ngacmimet që i ishin bërë vajzës së saj 12-vjeçare, përmes rrjeteve sociale, duke i kërkuar foto nudo, ose në të kundërtën e ka kërcënuar se do të publikojë në rrjete sociale foto dhe video me pamje të saj dhe me mbishkrime të turpshme, gjë për të cilën dyshohet se edhe e ka bërë.

“Dje rreth orës 17:00 pjesëtarë të policisë nga Sektori për Punë Të Brendshme në Tetovë kanë privuar nga liria personin M.A 27 vjeç nga Tearca e Tetovës për shkak se si njëjti dyshohet se ka kryer vepër penale joshje e fëmijës që nuk i ka mbushur 14 vjeç dhe tërheqje për marrëdhënie seksuale.

I njëjti është mbajtur në stacionin policor Tetovë, pas dokumentimit të plotë të rastit kundër tij në gjykatën e Tetovës do të përgatitet parashtesë përkatëse”, deklaroi Fatmir Rexhepi, zëdhënës i SPB Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat