Pallatet shumë katëshe kanë bllokuar çdo hapësirë të shesheve të lira.
Tashmë radhën e kanë ndërtimet në zonën e parkut të liqenit artificial ku priten të ngrihen disa kulla shumë katëshe duke shkatërruar të vetmin vend që ka mbetur pa prekur.
Por ndërtimet që priten të nisin në digën e liqenit kundërshtohen me forcë nga qytetarët.
Qytetarja: Super kundër, e vetmja mushkri e qytetit që ka ngelur liqeni. Mir ë dhe liqenin e masakruan si u desh qejfi po shiko çfarë përbindëshash janë bërë aty, mjerë populli.
Qytetari: Është kaluar pandemisë, kaluar çdo gjëje që i kanoset njeriut.
Qytetari: Sipas rregullave nuk lejohet.
Qyetetarja: Liqenit i prishet pamja, po u bënë dhe të tjera.
Qyetetarja: Nuk duhet të ndërtojë këtu, ne vetëm liqenin kemi.
Të shumta janë akuzat ndaj kryebashkiakut ku sipas qytetarëve gjithçka bëhet për interesa personale.
Qytetari: Ka fitimet e veta, prandaj e bën.
Qytetari: Së pari nuk ka mbajt premtimin që u bë kryebashkiak dhe kjo është kryesorja që ai nuk e ka vendin aty
Vendimi për ndërtimin e kompleksit shumë katëshe është bërë publik në faqen zyrtare të këshillit kombëtar të territorit.
Por ajo që vihet re është se pas këtij vendimi ka hije dyshimi pasi as në zonë e as në faqe nuk ka të bashkangjitur një plan të miratuar.
