Linguine me fruta deti

Ushqime

Linguine me fruta deti

Më: 24 tetor 2021 Në ora: 09:09
Foto ilustrim

Përbërësit:

1/2 pako makarona linguini

1 tufë borzilok

3 thelpinj hudhër

1 spec djegës

50 ml vaj ulliri

Kripë

Piper

100 gr djathë Pecorino

300 gr domate

100 gr  lloje të ndryshme fruta deti (karkaleca, kallamarë, midhje, sepie)

1 qepë e vogël.

Pregaditja:

Pastrojmë mirë frutat e detit, presim sepjen dhe kallamarin , ndërsa karkalecat i pastrojmë nga lëvozhga, por duke ua ruajtur kokën.

 Presim në kube domatet, specin e djegës dhe qepën. Hudhrat e borzilokun i presim hollë

Në një tenxhere vendosim pastën të ziejë, ndërsa në një tenxhere tjetër përgatisim salcën.

Në tenxheren e salcës hedhim vajin e ullirit, qepën e grirë dhe hudhrat. I skuqim për pak sekonda.

Shtojmë salcën e domates, borzilokun e grirë, frutat e detit të pastruara dhe të prera, specin djegës, kripën, piperin. E lëmë salcën të ziejë për 5-7 minuta.

Në këtë moment dhe linguinet janë gati. I kullojmë dhe ua shtojmë salcës.

Shtojmë në fund djathin Pecorino të grirë dhe vajin e ullirit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat