Supë me karkaleca dhe midhje

Ushqime

Supë me karkaleca dhe midhje

Më: 16 janar 2022 Në ora: 09:39
Foto ilustrim

Kjo është thjesht një supë peshku, është vërtetë speciale. Aq speciale, sa personazhet e librit "Një xhentëlmen në Moskë" e patën mision disa mujor për të gjetur të gjithë 15 përbërësit e duhur për të gatuar supën e famshme.

PËRBËRËSIT:

 një levrek rreth 600 g, 12 karkaleca të mëdhenj, 16 midhje, një qepë e thatë, 4 thelpinj hudhër, një kërcell selino, një finok, disa fije shafran, 2 patate mesatare, 3-4 domate (përdora Cirio të konservuara), një yll anise (për aromë), dy shirita lëkurë portokalli, 2 gjethe dafine,  pak borzilok i thatë, 2 degëza trumzë, një tufë e vogël majdanoz dhe spec djegës.

PËRGATITJA: 

Pastrojmë karkalecat dhe i presim në copa. I mbajmë kokat dhe levozhgat për t'i zier. Filetojme peshkun. Lëkurën, halat dhe kokën i vendosim bashkë me kokat e karkalecave të ziejnë me 4 gota ujë për të bërë lëngun e supës. I ziejmë për 15-20 minuta. Skuqim qepën. Shtojmë selinone, finokun, shafranin. Shtojmë domatet dhe i shtypim pak me pirun. Pastaj shtojmë dhe patatet në copa të vogla. Kullojmë lëngun e peshkut dhe e hedhim tek perimet. Shtojmë gjithë erëzat përveç majdanozit. Kur perimet janë zbutur, heqim dafinen dhe yllin anise dhe e bëjmë supën pure. Shtojmë copat e peshkut, karkalecat, midhjet. Hedhim dhe majdanozin. I lemë të ziejnë 5-6 minuta. Dhe supa është gati.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat