Kek me krem Mascarpone

Ushqime

Kek me krem Mascarpone

Më: 16 janar 2022 Në ora: 10:35
Foto ilustrim

Koha e përgatitjes - 15 minuta

Përbërësit për tavë me diametër 26/28 cm me vrimë në mes ose tavë për plumcake 30x10cm:

300 g miell
240 g sheqer
3 vezë
100 ml vaj luledielli
100 ml qumësht
50 g kakao e hidhur
1 bustinë sodë për ëmbëlsira (16 g)
1 bustinë vanilje

Për mbushjen:
250 g Mascarpone ose rikota ( gjize pa kripë)
100 g sheqer pluhur
Përgatitja:
Ndezim furrën me 180° C.
1. Në një tas, hedhim me sitë miellin, kakaon, vaniljen dhe sodën. I përziejmë me pirun dhe i lëmë mënjanë.
2. Në një tas tjetër, rrahim me rrahësin elektrik të vezëve sheqerin dhe vezët për 5/6 minuta.

Shtojmë më pas me lugë përzierjen që kemi te tasi i miellit, vajin dhe qumështin duke vazhduar akoma përzierjen e tyre derisa të përftojmë një brumë homogjen.

3. Në një tas të vogël, përziejmë me pirun Mascarpone-n me sheqerin pluhur derisa të bëhen si krem.
4. Hedhim te tava e lyer me gjalpë e miell ¾ e brumit, hedhim në mes kremin e Mascarpone-s, duke u përpjekur që të mos prekë anësoret e tavës. E mbulojmë tani me brumin që na ka mbetur dhe e vëmë të piqet në furrë për 40/45 minuta ose derisa kruajtësja e dhëmbëve të dalë e pastër kur të bëjmë provën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat