Ju shkrihen në gojë: Krepa të pjekura me djathë, proshutë dhe salcë beshamel

Ushqime

Ju shkrihen në gojë: Krepa të pjekura me djathë, proshutë dhe salcë beshamel

Më: 6 qershor 2022 Në ora: 06:55
Ilustrim

Zëvendësoni musakanë me një pjatë të shijshme krepash

Përbërësit:

Për krepat:

▪ 8 vezë
▪ 450 ml qumësht
▪ 80 g gjalpë të shkrirë
▪ 300 gr miell
▪ 1 lugë çaji kripë
▪ 15 g sheqer
▪ 150 g proshutë
▪ 150 g djathë të fortë

Për salcën beshamel:

▪ 30 g gjalpë
▪ 30 g miell
▪ 300 ml qumësht
▪ 50 g djathë

Përgatitja:

Rrihni vezët, më pas shtoni kripën, sheqerin dhe miellin. I bashkoni, më pas i hidhni qumështin dhe gjalpin e shkrirë. Skuqni krepat. I rendisni në një tepsi, por në mënyrë që një pjesë e krepave të dalin jashtë.

Sipër e rendisni proshutën dhe më pas djathin. Shkrini gjalpin, më pas shtoni miellin dhe qumështin, arrëmyshkun dhe kripën, i trazoni dhe i kaurdisni derisa të trashen.

Mbi djathin hidhni beshamelin, më pas rregulloni krepat, sërish proshutën, djathin dhe beshamelin e kështu me radhë derisa të harxhoni materialin. Rendi i fundit duhet të jetë një krepë. Palosni ato pjesë të krepave që dalin nga tepsia dhe lyeni me beshamelin e mbetur.

I spërkatni me djathë të grirë dhe i piqni në furrë në 180°C për afro 15 minuta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat