Trafik i rënduar në Vlorë, fundjava sjell vështirësi në qarkullimin e automjeteve

Vlora

Trafik i rënduar në Vlorë, fundjava sjell vështirësi në qarkullimin e automjeteve

Më: 31 korrik 2021 Në ora: 17:54
Foto ilustrim

Edhe kjo e shtunë e ka gjetur qytetin e Vlorës me një trafik të rënduar.

Policia rrugore është në të gjitha akset e pranishme, madje e ndihmuar edhe nga kolegët nga Tirana për menaxhimin e trafikut, por megjithatë normaliteti  është thuajse i pamundur, për shkak se numri i automjeteve është tepër i madh.

Një nga shkaqet e tjera të trafikut janë edhe vetë drejtuesit e mjeteve, të cilët për të shmangur pritjet në trafik, zgjedhin të bëjnë parakalime apo manovra të rrezikshme, duke shkaktuar jo vetëm bllokim të rrugëve, por edhe duke rrezikuar jetën e atyre shoferëve që presin në radhë.

Ndërkaq, shkaku kryesor është devijimi i disa akseve rrugore që të çojnë drejt jugut, ku shpeshherë mjetet detyrohen të ndjekin rrugët e lëna për përdorim nga ana e kompanive që merren me mirëmbajtjen e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat