‘Blindohet’ Vlora/ Pas atentatit, FNSH kontrolle të imtësishme çdo automjeti. 6 të shoqëruar

Vlora

‘Blindohet’ Vlora/ Pas atentatit, FNSH kontrolle të imtësishme çdo automjeti. 6 të shoqëruar

Më: 19 dhjetor 2021 Në ora: 18:54
Foto nga vendi i ngjarjes

Forcat e FNSH të ardhura nga Fieri kanë ‘blinduar’ qytetin e Vlorës pas atentatit të bërë ndaj Indrit Sadedinit, pasditen e sotme.

Aktualisht është duke u bërë kontroll çdo automjeti që hyn e del nga territori i Vlorës, ndërkohë që deri më tani janë shoqëruar 6 persona.

Ngjarja ndodhi teksa Sadedini po lëvizte në këmbë në trotuar. Meqenëse prej kohës Sadedini lëvizste me makinë të blinduar eksplozivi i është vendosur në rrugën që do ta çonte te pallati, siç dyshohet e fshehur në një kuti kartoni që është aktivizuar kur ai kaloi në këmbë.

Për shkak të plagëve të marra pas dërgimit në spitalin e Vlorës u transferua te Trauma në Tiranë.

Burime nga policia e Vlorës bëjnë me dije se pista që po hetohet është ajo e pazarave të prishura të hashashit.

Katër vjet më parë një sasi lënde plasëse iu vendos në makinë dhe eksplozivi u neutralizua nga një ekip xhenierësh.

Në bazë të kësaj ngjarjeje ai kërkoi azil në Francë por pa sukses.

Ndërkohë policia ka gjetur një makinë të djegur në zonën e Babicës, e cila dyshohet të jetë e autorëve të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat