​Vlora e transformuar nga investimet, çel sezonin turistik

Vlora

​Vlora e transformuar nga investimet, çel sezonin turistik

Më: 13 maj 2022 Në ora: 23:56
Foto ilustrim

Qyteti bregdetar i Vlorës, i cilësuar si ‘perla’ e rivierës shqiptare, çeli mbrëmjen e djeshme sezonin e ri turistik.

Këngëtarë të njohur të muzikës shqiptare performuan për qytetarët vlonjatë deri në mesnatë.

Kryetari i bashkisë së Vlorës, Dritan Leli tha gjatë fjalës së tij se “në këtë sezon të ri turistik jam i bindur se Vlora do të jetë destinacioni i turistëve vendas dhe të huaj. Mirëpresim turistët e Shqipërisë dhe gjithë miqtë, ngado të vijnë, për të shijuar këtë diell të bekuar që të ngroh njësoj, gjithë vitin”.

Kryebashkiaku Leli nënvizoi se “pamjet që ofron qyteti këtë vit të ri turistik dëshmojnë transformimin që është bërë falë investimeve madhore”.

Qyteti bregdetar i Vlorës u vizitua vitin e kaluar nga rreth 40 mijë turistë. Vlora me brigjet e saj, Karaburunin, Sazanin, Llogoranë, kalanë e Kaninës, Lagunën e Nartës, plazhet e shumtë, monumentet, njerëzit, prodhimet e tokës dhe të detit është gjithnjë e më shumë e frekuentuar nga turistët vendas dhe të huaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat