Çfarë po planifikohet? Berisha lëshon alarmin dhe ka një thirrje urgjente për qytetarët e Vlorës

Vlora

Çfarë po planifikohet? Berisha lëshon alarmin dhe ka një thirrje urgjente për qytetarët e Vlorës

Më: 26 gusht 2022 Në ora: 13:10
Sali Berisha

Ish-kryeministri Sali Berisha denoncoi planin e qeverisë Rama për të ndërtuar në Vlorë impiante të prodhimit të energjisë elektrike, të marra nga Bangladeshi, të cilët punojnë me naftë D2.

Berisha shton se nafta që përdoret për prodhimin e energjisë është e dëmshme, pasi ajo përmban sasi të larta squfuri.

Ai i bëri thirrje qytetarëve vlonjatë të reagojnë dhe të mos lejojnë që qyteti të kthehet në një pellg squfuri dhe lëndësh toksike.

“Eksperti më konfirmon se ato harxhojnë 600 mijë tonë naftë të rëndë në dytë e cila është e barabartë sikur 100 mijë makina në Vlorë të harxhojnë nga 6 litra dhe të bëjnë 100 kilometra rrugë. A mund të rrihet në Vlorë me 100 mijë makina në lëvizje. Edi Rama ka mashtruar qytetarët kur në Opinion ka deklaruar se këto punojnë me gaz.

Këto janë gjeneratorët që punojnë vetëmn me D2 tmerrësisht të pasur në squfur. Imagjinoni ju 100 mijë makina me karburant me squfur. E dënoj me ashpërsinë më të madhe këtë mega-aferë të qeverisë. Në mënyrën më të paciptë Edi Rama ka deklaruar se do mbarojë energjia dhe nuk do ketë më. Si do mbaroj energjia? Energjia mbaron kur t’i verbon vjedhja dhe korrupsioni sytë. Energjia nuk mund të mbaroj, por asaj mund t’i rritet çmimi.

I bëj thirrje qytetarëve të Vlorës të organizohen pasi Vlora nuk mund të bëhet pellgu i squfurit dhe lëndëve toksike”, tha Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat