Sezoni i këtij viti pritet të ketë një rritje të numrit të turistëve në rreth 25-30%, krahasuar me 2022-in. Referuar kërkesave e prenotimeve, Anisa Ceno, administratore e një hoteli në Vlorë, thotë se turizmi në qytetin bregdetar dita ditës po merr formën e një turizmi të zgjatur në kohë.
Turistët kanë mbërritur prej muajit të kaluar dhe janë nga gjithë Europa,madje edhe deri nga Azia. pritshmëritë janë positive teksa muajt e pikut të verës ,si edhe shtatori janë tashmë të rezervuara.Gjeografia e turistëve ka zgjeruar hartën ,ndërsa nisur më herët si një turizëm kulturor apo fetar ,pritshmëritë janë edhe për shtimin e ditëve frekuentuese të hotelit.
Por në Vlorë, këtë sezon veror duket se janë shtuar dhe kapacitetet hoteliere. Jona Aliraj, menaxhere në një njësi hoteliere, thotë se hotelin e kanë mbërritur tashmë pushuesit e parë, të cilët përgjithësisht janë vendas. Por sipas saj, mbetet problem fuqia punëtore.
Nuk ka kamerier, nuk ka rëndësi nëse janë shqiptar apo të huaj
Ndërkohë që ky sezon premton të ketë një fluks turistësh, duket se problemi i fuqisë punëtore do të mbetet prezent gjatë gjithë verës.
