Shërbimet e Komisariatit të Policisë Numër 7 në Tiranë finalizuan operacionin “Walkers”, gjatë të cilit u arrestuan shtetasit J. S.(38), banues në Gërdec dhe J. D. (19), banues në Karpen.
Ata u kapën pak orë pas vjedhjes së kryer në orët e para të mëngjesit të datës 4 nëntor, në një banesë në Sakos, Vorë, të rreth 100 litrave naftë dhe pajisjeve të tjera, raporton KosovaPress.
Hetime tregojnë se 38-vjeçari i arrestuar ishte aktualisht në kërkim, pasi Gjykata e Lezhës i kishte caktuar masën e sigurisë arrest në burg, mbi dyshime se më 10 korrik, në bashkëpunim me vëllain e tij, shtetasin D. S., të arrestuar nga policia, vodhën pajisje dhe sende në një magazinë në autostradën “Mamurras–Tiranë”.
Vijojnë hetimet për zbardhjen e vjedhjeve të tjera që mund të kenë kryer shtetasit J. S. dhe J. D.
Materialet procedurale iu referuan Prokurorisë, për veprime të mëtejshme.
