Kombëtarja e Kosovës në xhudo zbarkon në Japoni, aty ku do të mbahet Kampionati Botëror nga data 25 gusht e deri me 1 shtator.
Kosova synon medalje në krye me kampionen olimpike, Majlinda Kelmendi, pastaj kampionen evropiane Nora Gjakova, Akil Gjakova, Distria Krasniqi e Loriana Kuka.
“Sanyo City në Japoni. Pritje e ngrohtë për ekipin tonë!
Arritja në Japoni me ekipin për përgatitje dhe gara në Botërorin më të fortë ndonjëherë!
Një qytet që po ndjehet krenar me prezencën e garuesve tonë
Gara me rëndësi të veçantë edhe për Pikë Olimpike si caku kryesor i ekipit”, shkruan Driton Kuka, përzgjedhës i kombëtares së Kosovës.
