Distria Krasniqi javën që shkoi bëri që flamuri i Kosovës edhe njëherë të valvitet lartë në xhudo, kësaj here në Kinë.
Xhudistja e Kosovës arriti të fitonte medaljen e artë në Mastersin e xhudos në Qingdao të Kinës, për të mbrojtur titullin e fituar në vitin paraprak.
Medalja e artë Distrias i solli edhe 1800 pikë të tjera olimpike.
Federata Ndërkombëtare e Xhudos, ka shpallur Ipponin e Distrias në sfidën kundër Narantsetseg Ganbaatar më të mirin në Mastersin e Kinës.
IJF ka përzgjedhur pesë Ipponet më të mirë, dhe ai i Distrias u rendit në vendin e parë.
Insporti raporton se në kategorinë -48 kilogramë, Distria Krasniqi është ngjitur në pozitën e dytë në ranglistën botërore.
