Të paktën 110 peshkatarë dhe punëtorë të fermave të orizit janë vrarë brutalisht dhe u janë prerë kokat nga ekstremistët islamikë në Nigeri të shtunën. Punëtorët ishin të lidhur dhe qafat u janë prerë në një masakër barbare të dyshuar nga anëtarët e Boko Haramit.
Viktimat e masakruara u kthyen të dielën.
- Të paktën 110 civilë u vranë pamëshirshëm dhe shumë të tjerë u plagosën në këtë sulm, tha koordinatori humanitar i KB Edward Kallon.
Varrimi i viktimave të masakrit
"Ky është sulmi më agresiv ndaj civilëve të pafajshëm këtë vit," tha Kallon, duke akuzuar grupin jo-qeveritar të armatosur për veprime barbare, pa përmendur Boko Haramin.
- Bëj thirrje që autorët e këtij akti të neveritshëm dhe të pakuptimtë të sillen para drejtësisë, shtoi ai.
Gjakderdhja ndodhi në fshatin Koshobe, dhe sulmuesit dyshohet se ishin me motor.
Varrimi i viktimave të masakrit
Gjashtë persona janë plagosën në sulm, ndërsa tetë të tjerë renditen si të zhdukur. Ka spekulime se disa gra u rrëmbyen gjithashtu.
Sulmi erdhi të shtunën kur viktimat shkuan në qendrat e votimit për të hedhur votat e tyre në zgjedhjet lokale në shtetin Borno.
