Nga sulmi i Boko Haram, vdesin 16 ushtarë

Afrika

Nga sulmi i Boko Haram, vdesin 16 ushtarë

Më: 25 gusht 2021 Në ora: 21:57
Foto

Qindra militantë të Boko Haram sulmuan një postë ushtarake në juglindje të Nigerit gjatë natës, duke vrarë 16 ushtarë dhe duke plagosur nëntë të tjerë, tha të mërkurën ministria e mbrojtjes, rporton France24.

Rreth 50 prej militantëve islamikë u vranë në luftimet që rezultuan në rajonin Diffa të Afrikës Perëndimore dhe u gjetën sasi të konsiderueshme të armëve, tha ministria në një deklaratë.

Sulmi vuri në shënjestër qytetin Baroua, ku mijëra banorë sapo ishin kthyer pasi u strehuan diku tjetër pas masakrave xhihadiste në 2015.

Kryengritja e Boko Haram shpërtheu në Nigerinë verilindore në vitin 2009, por dhuna shpesh përhapet në Çad, Niger dhe Kamerun, në pellgun e Liqenit të Çadit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat