Pas 24 orësh në terr total, rikthehet energjia elektrike në Liban

Afrika

Pas 24 orësh në terr total, rikthehet energjia elektrike në Liban

Më: 10 tetor 2021 Në ora: 17:44
Foto

Pas 24 orëve në terr total energjia elektrike është kthyer në Liban.

Ministria e Energjisë në Liban ka bërë të ditur se Banka Qendrore i ka dhënë 100 milionë dollarë kredi për të blerë karburant dhe për të mbajtur në funksionim stacionet e saj të energjisë, shkruan BBC.

Për 18 muajt e fundit Libani është përballur me një krizë ekonomike dhe mungesa ekstreme të karburantit.

Kjo krizë e ka lënë gjysmën e popullsisë në varfëri, ka dëmtuar valutën e saj teksa pa pasur edhe protesta të mëdha kundër politikanëve.

Ndërprerja totale e rrymës filloi mesditën e së shtunës kur dy termocentralet më të mëdha të Libanit u mbyllën për shkak të mungesës së karburantit.

Por në një deklaratë këtë të dielë, ofruesi shtetëror i energjisë elektrike tha se tani po jep të njëjtin nivel energjie si ishte para ndërprerjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat