Futbollisti i blen shtëpi familjes së pesëvjeçarit që ra në pus dhe më pas vdiq

Afrika

Futbollisti i blen shtëpi familjes së pesëvjeçarit që ra në pus dhe më pas vdiq

Më: 7 shkurt 2022 Në ora: 10:13
Rayan Oram

Një futbollist i pikëlluar nga vdekja e pesëvjeçarit që mbeti i bllokuar në një pus, i ka ofruar familjes së tij një shtëpi të re për t’i ‘dhënë pak gëzim’ jetës së tyre.

Qindra shpëtues punuan pa u lodhur për pesë ditë për të shpëtuar Rayan Oram, i cili ra në pusin e gjatë dhe të ngushtë të martën e kaluar, transmeton Klankosova.tv.Të shtunën, bota ishte nën ethe ndërsa ekipi, disa prej të cilëve kishin gërmuar me duar, nxorën djalin të gjallë.

Gëzimi shpejt u shndërrua në lot kur Rayan nuk i mbijetoi dot plagëve.

Tani futbollisti ndërkombëtar maroken, Abderrazak Hamdallah thotë se dëshiron t’i blejë familjes së thyer një shtëpi të re.

31-vjeçari, i cili luajti nën drejtimin e ish-trajnerit të Anglisë, Sven-Goran Eriksson, pas një kalimi në skuadrën e Superligës kineze Guangzhou, tha: “Kemi kaluar pesë ditë shumë të largëta dhe zemrat tona janë thyer, marokenët, të gjithë arabët dhe myslimanëve, madje edhe mbarë botës.

Ne lavdëruam dhe falënderuam Zotin për gjithçka që mori Rayan, dhe ai ishte më i mëshirshëm ndaj nesh dhe më meritor se ne. Me këtë pikëllim, i shpreh ngushëllimet e mia më të thella familjes së Rayanit dhe i kërkoj Zotit t’u japë atyre durim dhe ngushëllim.

Kam vendosur, në emrin tim dhe të familjes sime, dhe në emër të të gjithë marokenëve dhe myslimanëve, të ndihmoj dhe t’i sjell pak gëzim familjes së Rayanit, prindërve dhe vëllezërve të tij dhe t’u jap atyre një shtëpi të pajisur plotësisht. Lusim Zotin që të na pranojë dhe ta bëjë atë në balancën e veprave të mira të të gjithë myslimanëve”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat