Boiken Abazi nga Lëvizja Vetëvendosje ka reaguar nga akuzave të presidentit Hashim Thaçi dhe kreut të PDK-së, Kadri Veselit ndaj VV-së, duke i quajtuar shpifje.
Abazi thotë se, këto shpifje i bëjnë para prokurorit të njëjtë që nuk e hetoi kurrë si vrasje vdekjen e Astrit Deharit në burgun e Prizrenit.
Abazi shprehet se, Thaçi e kishte ftuar Lëvizjen Vetëvendosje që të bëhej pjesë e ekipit negociator me Serbisë për copëtimin e Kosovës.
Sipas Abazit, po të hynte LVV-ja në ekipin negociator do i shtronin tapetin e kuq, siç vepruan me AAK-në, Nisman dhe PSD-në, por edhe ka mundësi t’i ngrejnë shtatore Albinit e Glaukut në mesë të Prishtinës.
Ja shkrimi i plotë:
Thaçi e Veseli nga njëra anë lëshojnë shpifjet e tyre të zakonshme mbi LV si organizatë e rrezikshme, dhe këtë e bëjnë para të njëjtit prokuror që nuk e hetoi kurrë si vrasje vdekjen e dhunshme të Astritit në burgun e Prizrenit, nga ana tjetër e ftojnë LV në ekipin negociator për negociata me Serbinë për copëtimim e Kosovës nga jashtë e nga brenda. Këta janë po të njëjtit që po t'i thoshte nesër LV se është e gatshme të hyjë në koalicion parazgjedhor me PDK-në, jo vetëm do ia shtronin LV tapetin e kuq - siç vepruan me AAK, NISMA e PSD - por ka shumë mundësi t'i ngrejnë edhe ndonjë shtatore Albinit e Glaukut në mes të Prishtinës. Ata e dinë, nga terreni e nga sondazhet, se PDK po fundoset për shkak të klanit të tyre Pronto, dhe në këtë fundosje nuk zgjedhin më mjete për të mbetur mbi ujë, por nuk kanë shpëtim.
