Njohësi i çështjeve politike Faton Abdullahum, ka kujtuar 141 vjetorin e Lidhjes së Prizrenit.
Ai në një postim në Facebook, ka kritikuar pushtetarët e sotëm, duke thënë se këta po e shkrijnë atdheun për t’u pasuruar për vete, derisa burrat e Lidhjes bënë të kundërten, përcjell Bota sot.
Abdullahu ka thënë se burrat e Lidhjes së Prizrenit i ngjallën shpresën shqiptarëve, ndërsa të sotmit, po e lënë të pashpresë Kosovën.
Postimi i Abdullahut:
Me rastin e përvjetorit
Për burrat e Lidhjes së Prizrenit dhe pushtetarët e sotëm
Lidhjen e Prizrenit e bënë ata burra që shkrinë pasurinë për atdheun, ju sot po e shkrini atdheun për tu pasuruar.
Ata kishin filluar pothuajse nga asgjëja, ju mendoni se asgjë nuk ka filluar para jush.
Ata u bënë bashkë që të fitoj atdheu, ju bashkë bëheni që të mos fitoj askush përveç jush.
Ata ja ngjallën shpresën shqiptarit, ju po e leni të pashpresë krejt Kosovën.
Ata do t’i kujtojmë me përulësi sot e gjithmonë, ultësia juaj s’meriton të mbetet në histori.