Kryeministri në detyrë, Ramush Haradinaj ka takuar ambasadorin amerikan në Kosovë, Philip Kosnett, ku ka biseduar rreth zhvillimeve të fundit politike, me theks të veçantë zgjedhjet dhe maturinë politike që Kosova ka treguar deri më tani.
Haradinaj ka shkruar në Facebook, se gjatë këtij takimi ka theksuar se bashkërisht, të gjitha partitë duhet të jenë të përkushtuara për një proces zgjedhor fer dhe demokratik, si dhe të fuqizojnë besimin e qytetarëve në institucionet tona.