Presidenti amerikan, Donald Trump deklaroi sot se vendimi i tij për të nxjerrë trupat amerikane nga Siria nuk duhet të ketë surprizuar asnjë sepse ai kishte bërë fushatë kundër përfshirjes së SHBA-së në luftërat që nuk mbarojnë.
Vendimi i presidentit për të tërhequr forcat amerikane, i njoftuar më 19 dhjetor, habiti zyrtarët e lartë të administratës si dhe aleatët trupat e të cilëve janë duke luftuar në krahë të SHBA-së në një koalicion për të mundur grupin terrorist Shteti Islami.
Kjo lëvizje solli edhe dorëheqjen e sekretarit amerikan të Mbrojtjes, James Mattis.
Trump kundërshtoi në “Twitter” kritikat e të cilat ai po përballet që prej këtij vendimi, duke thënë se “çdo lider tjetër do të ishte konsideruar një hero kombëtar nëse do bënte çfarë bëri ai”.
