Presidenti i Shteteve të Bashkuara të Amerikës Donald Trump akuzoi sot Kinën për manipulim me monedhën e saj.
Trump reagoi pasi Pekini zyrtar lejoi që juani të binte në nivelin më të ulët ndaj dollarit në 11 vjetët e fundit.
"Kina ka ulur vlerën monedhës së saj në afërsi të niveleve të ulëta historike. Quhet 'manipulim i monedhës'. A po dëgjoni, Rezerva Federale? Ky është një ofendim i madh që do të dobësojë Kinën me kalimin e kohës," shkroi Trump në Twitter.
Rënia e mprehtë e juanit prej 1,4 për qind erdhi pasi Banka Kombëtare e Kinës (PBOC) fiksoi kursin e mesëm mesatar në 6.99225 juanë ndaj dollarit, nivelin e tij më të dobët që nga dhjetori 2018.
