Banka ua transferoi gabimisht 120 mijë dollarë, blejnë veturë me paratë e huaja - Bota Sot
Banka ua transferoi gabimisht 120 mijë dollarë, blejnë veturë me paratë e huaja

Amerika

Banka ua transferoi gabimisht 120 mijë dollarë, blejnë veturë me paratë e huaja

Më: 10 shtator 2019 Në ora: 09:21
Ilustrim

Një çift nga Pennsylvania e Shteteve të Bashkuara janë akuzuar për vjedhje pasi i shpenzuan mijëra dollarë që u transferuar gabimisht në llogarinë e tyre bankare.

Robert dhe Tiffany Williams i përfituan 120 mijë dollarë nga një gabim i bankës dhe e shpenzuan shumicën e shumës. Kështu thuhet në deklaratën e tyre me shkrim, e cila do të përdoret gjatë gjykimit të çiftit.

Ata kanë pranuar se e kanë ditur që shuma e madhe e të hollave nuk ishte e tyre. Gjykata e ka akuzuar burrin 36 vjeç dhe gruan 35 vjeçe për vjedhje dhe pranim të pronës së vjedhur, ndërsa janë lënë të lirë nën kushtin e dorëzanisë.

Të hënën, ata u paraqitën në një gjykatë në Lycoming. Çifti i akuzuar nuk kanë dhënë ndonjë deklaratë për mediet amerikane dhe nuk dihet nëse atyre u është ofruar ndonjë këshilltar ligjor.

Në llogarinë e tyre në bankën BB&T, paratë ishin transferuar gabimisht, sepse ato do të duhej të transferoheshin në llogarinë e një firme investuese. Transferi ishte kryer më 31 maj, ndërsa gabimi ishte vërejtur më 20 qershor.

Sidoqoftë, policia tha çifti për tri javë i kishte shpenzuar rreth 107 mijë dollar, pa kontaktuar me punëtorët e bankës. Ata e kishin blerë një veturë të tipit “Chevrolet Traverse” dhe ua kishin dhënë miqve 15 mijë dollar, shkruan “BBC”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...