Pompeo: Strategjia amerikane ndaj Iranit, po funksionon - Bota Sot
Pompeo: Strategjia amerikane ndaj Iranit, po funksionon

Amerika

Pompeo: Strategjia amerikane ndaj Iranit, po funksionon

Më: 23 shtator 2019 Në ora: 07:06
Sekretari i Shtetit, Mike Pompeo

Sekretari i Shtetit, Mike Pompeo thotë se Shtetet e Bashkuara po punojnë për gjetjen e një zgjidhjeje diplomatike të tensioneve me Iranin, që po fajësohet për sulmin ndaj komplekseve saudite të naftës, por ai paralajmëroi se nëse diplomacia dështon, Presidenti Donald Trump “do të marrë vendimet e nevojshme për të arritur objektivat tona”.

Zoti Pompeo i tha televizionit ABC se vendimi i fundit i administratës amerikane për të dërguar trupa shtesë të mbrojtjes ajrore amerikane në Arabinë Saudite do të “përmirësojë aftësitë” dhe “do ta bëjë më të vështirë” për Iranin.

Presidenti iranian, Hassan Rouhani tha të dielën se prania e forcave të huaja në rajonin e Gjirit Persik do të krijonte “pasiguri në rajon”.

Sekretari amerikan i Mbrojtjes, Mark Esper tha se forcat amerikane në rajon do të ishin të natyrës mbrojtëse.

Sulmi i 14 shtatorit nxorri në pah se sa të ekspozuara janë komplekset e naftës në rajon ndaj sulmeve të dronëve dhe raketave.

Presidenti Trump njoftoi të premten për sanksione të reja ndaj bankës kombëtare të Iranit, duke e shkallëzuar më tej presionin ekonomik ndaj Republikës Islamike, por duke u përmbajtur nga çdo veprim direkt ushtarak.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...