Shtabi i Përgjithshëm i ushtrisë amerikane e konfirmon Bidenin si komandant suprem

Amerika

Shtabi i Përgjithshëm i ushtrisë amerikane e konfirmon Bidenin si komandant suprem

Më: 13 janar 2021 Në ora: 10:12
Joe Biden

Shtabi i Përgjithshëm i ushtrisë amerikane të martën u dërgoi mesazh ushtarëve dhe zyrtarëve ushtarakë duke thënë se Joe Biden më 20 janar do të bëhet komandant suprem i forcave të armatosura.

“Më 20 janar 20121, në përputhje me Kushtetutën, i konfirmuar nga shtetet dhe gjykatat dhe i certifikuar nga Kongresi, presidenti i zgjedhur, Joe Biden, do të inaugurohet dhe do të bëhet komandanti i përgjithshëm i 46-të”, thuhet në shkresën e krerëve ushtarakë.

Në mesazhin dërguar ushtrisë gjithashtu kritikohet sulmi i përkrahësve të Trumpit ndaj ndërtesës së Capitol-it, duke e cilësuar atë si kryengritje të dhunshme dhe sulm të drejtpërdrejtë ndaj Kongresit dhe kushtetutës, shkruan Anadolu.

Image
Deklarata e Shtabit të Përgjithshëm të ushtrisë së ShBA-së

“Të drejtat e lirisë së shprehjes dhe grumbullimit nuk ia japin askujt të drejtën për t’iu drejtuar dhunës, rebelimit dhe kryengritjes”, thuhet më tej në mesazh.

Kjo deklaratë erdhi një javë pasi një grup i përkrahësve të presidentit në largim, Donald Trump, e sulmuan ndërtesën e Capitol-it, duke lënë pesë persona të vdekur. Trumpi po akuzohet për nxitje të kësaj dhune dhe mund të përballet me shkarkim.

Shfaq komentet
comments powered by Disqus
Sot mund të lexoni Shfletoni kopertinat