Udhëtimi i Senatorit Ted Cruz bëhet viral në rrjet

Amerika

Udhëtimi i Senatorit Ted Cruz bëhet viral në rrjet

Më: 28 mars 2021 Në ora: 15:35
Senatori republikan Ted Cruz

Senatori republikan Ted Cruz ka tërhequr vëmendjen e kritikëve për nismëtimin e një udhëtimi në kufirin jugor të SHBA-ve. Politikani konservator teksan u bë edhe një herë “meme” nëpër rrjete sociale.

Duke përdorur stilin e një dokumentari të jetës së egër, Cruz xhiroi përvojën e tij me ndihmën e fotografëve profesionistë.

Ai ndau me ndjekësit udhëtimin e tij të fundit në kufirin SHBA-Meksikë, të enjten në mbrëmje në mediat sociale. Nëpërmjet saj, synoi të hidhte dritë mbi atë që republikanët e kanë quajtur krizë.

Veshur me një këmishë peshkimi të gjelbër dhe kapele bejsbolli me flamurin e Teksasit, Cruz foli në një konferencë shtypi. Ai kërkoi të krijonte një pamje dramatike të përvojës së tij.

“Në anën tjetër të lumit ne kemi qenë duke dëgjuar dhe parë anëtarët e kartelit, trafikantë njerëzish. Atje tej, duke tundur elektrikë dore, duke bërtitur e ofenduar amerikanët, duke sharë patrullën e kufirit”.

Pavarësisht pretendimeve të tij se situata e kufirit është rezultat i drejtpërdrejtë i politikave të imigracionit të administratës Biden, banorët në Luginën e Rio Grande-s kanë thënë se nuk ekziston një krizë e tillë.

Në fakt, numri i kalimeve kufitare nën administratën e Biden-it kryesisht reflektojnë po ato të ish-administratës Trump. Cruz ishte i shoqëruar nga 18 senatorë të tjerë republikanë përfshirë John Cornyn, Susan Collins dhe Linsey Graham.

Pasi pretendoi se u ndesh me anëtarë të kartelit dhe pa një trup të pajetë që notonte në Rio Grande, Cruz u tall nga shumë figura publike.

Përfshi ish-kongresmenin Beto O’Rourke i cili tha: “Juve jeni në një anije patrullimi kufiri i armatosur me mitraloza. I vetmi kërcënim me të cilin përballeni janë fëmijët dhe familjet e paarmatosura që kërkojnë azil”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat