Të paktën pesë persona janë vrarë dhe gjashtë janë plagosur në një zjarr në një platformë të naftës në det të hapur në pronësi të kompanisë shtetërore meksikane Pemex, raporton BBC.
Ekipet e shpëtimit janë ende në kërkim të dy personave të zhdukur.
Zjarri gjithashtu bëri që puna të ndalet në 125 puse nafte për të cilat platforma siguron gaz dhe energji elektrike.
Incidenti vjen gjashtë javë pasi një rrjedhje gazi në një tubacion nënujor Pemex shkaktoi një zjarr në sipërfaqen e oqeanit në Gjirin e Meksikës.
Zjarri i korrikut u quajt "syri i zjarrit" me pamje të shpërndara gjerësisht në mediat sociale.
