Nga nëntori SHBA-ja lehtëson masat për udhëtime nga jashtë

Amerika

Nga nëntori SHBA-ja lehtëson masat për udhëtime nga jashtë

Më: 20 shtator 2021 Në ora: 22:10
Foto ilustrim

Shtetet e Bashkuara nga fillimi i nëntorit do të lejojnë hyrjen për të gjithë pasagjerët nga jashtë, me kushtin që të jenë plotësisht të vaksinuar kundër COVID-19 (me dy doza), ka bërë të ditur sot Shtëpia e Bardhë.

Pasagjerët përveç kësaj do të duhet t’i nënshtrohen testimit të COVID-19 tri ditë para se të nisen për udhëtim në SHBA, dhe gjatë tërë kohës të bartin maskë.

Aviokompanitë do të jenë të obliguara të mbledhin informacione për pasagjerët, me qëllim që të mund të kontaktohen në rast nevoje, ka shtuar Shtëpia e Bardhë.

SHBA-të do të shfuqizojnë kufizimet që vlenin nga marsi i vitit të kaluar. E deri më tani nuk dihet se cilat vaksina do të njihen si valide për udhëtim në SHBA. 

Shfaq komentet
comments powered by Disqus
Sot mund të lexoni Shfletoni kopertinat