Clinton kthehet në shtëpi: Jam duke e marrë veten

Amerika

Clinton kthehet në shtëpi: Jam duke e marrë veten

Më: 21 tetor 2021 Në ora: 08:34
Ish-presidenti Bill Clinton

Ish-presidenti Bill Clinton përmes një video të shpërndarë në Twitter dha një përditësim mbi gjendjen e tij shëndetësore duke thënë se është duke e marrë veten.

Në video, Clinton falënderoi miqtë dhe mjekët për mbështetjen e kujdesin ndaj tij, ndërsa ishte i shtruar në spital në Qendrën Mjekësore të Universitetit të Kalifornisë.

"Unë jam vërtet i lumtur që jam kthyer në shtëpi. Po përmirësohem duke shijuar këtë mot të bukur të vjeshtës. Jam duke e marrë veten, por dua t'u kujtoj të gjithëve që të marrin kohë për të dëgjuar trupin tuaj dhe të kujdeseni për veten”, tha Clinton.

Ish-presidenti Clinton u shtrua në spital për një infeksion të traktit urinar, që u përhap në qarkullimin e gjakut.

Bill Clintoni gjatë kohës që shërbente si president ndikoi në miratimin dhe realizimin e vendimeve të OKB-s për ndërhyrjen e NATO-s në luftën e Kosovës në vitin 1999.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat