Alpinisti i humbur në malin amerikan injoroi telefonatat nga ekipi i shpëtimit, pasi ai nuk e njohu numrin

Amerika

Alpinisti i humbur në malin amerikan injoroi telefonatat nga ekipi i shpëtimit, pasi ai nuk e njohu numrin

Më: 26 tetor 2021 Në ora: 10:38
Foto ilustrim

Një burrë që humbi për 24 orë deri po ecte në malin më të lartë të Kolorados, në SHBA, injoroi thirrjet e përsëritura telefonike nga ekipet e shpëtimit sepse ato vinin nga një numër i panjohur, thonë autoritetet.

Sipas The Guardian, alpinisti u raportua i zhdukur rreth orës 20:00 më 18 tetor, pasi nuk u kthye në pikën ku po qëndronte, thanë shërbimet e kërkim-shpëtimit të qarkut Lake.

Përpjekjet e përsëritur për të kontaktuar burrin përmes telefonatave, teksteve dhe mesazheve me zë u injoruan, sipas një deklarate të lëshuar nga agjencia.

Pesë anëtarë të ekipit të shpëtimit u mobilizuan rreth orës 22:00 për të kërkuar “zona me probabilitet të lartë” nga mali Elbert, por u kthyen rreth orës 3 të mëngjesit pasi nuk arritën ta gjenin alpinistin e zhdukur.

Një ekip i dytë u nis në orën 7 të mëngjesit, të ditës tjetër për të kërkuar zonat ku alpinistët “zakonisht humbasin gjurmët” vetëm për të zbuluar se burri ishte kthyer në vendin e tij të akomodimit rreth orës 9:30 të mëngjesit.

Alpinisti u tha autoriteteve se kishte humbur rrugën rreth natës dhe “u hodh nëpër shtigje të ndryshme duke u përpjekur të gjente shtegun e duhur” përpara se të arrinte më në fund makinën e tij të nesërmen në mëngjes, rreth 24 orë pasi ishte nisur për shëtitje.

Ekipi i kërkimit tha se burri “nuk ia kishte idenë” se dikush po e kërkonte, sipas deklaratës së alpinistit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat