Momenti kur vetura futet në sheshin ku nisi festa e Krishtlindjeve në Amerikë

Amerika

Momenti kur vetura futet në sheshin ku nisi festa e Krishtlindjeve në Amerikë

Më: 22 nëntor 2021 Në ora: 08:47
Pamje nga video

Pesë persona kanë humbur jetën dhe mbi 40 të tjerë kanë mbetur të plagosur si pasojë e një ngjarje të rëndë që ndodhi mbrëmë në Wisdonsin të Amerikës.

Një automjet me shpejtësi të madhe ishte futur në qendrën ku zhvillohet parada tradicionale e cila hap festat e Krishtlindjeve në Waukesha, një qytet me mbi 60 mijë banorë rreth 30 kilometra në perëndim të Milwaukee-s.

E nga kjo ngjarje trishtuese tashmë janë publikuar edhe pamje të rënda, ku shihen njerëzit të cilët tentojnë të ikin pasi vetura futet në mesin e tyre.

Por një video-incizim tregon saktësisht momentin kur kjo makinë hyri dhe goditi njerëzit të cilët po qëndronin në njërën prej pjesëve të këtij qyteti.

Makina e tipit “SUV” shihet se si futet me shpejtësi të madhe në mes njerëzve, ku në mesin e tyre pati edhe shumë fëmijë.

Poashtu shefi i policisë lokale, Dan Thompson, konfirmoi se në mesin e të lënduarve ka edhe fëmijë, ndërsa autoritetet nuk mendojnë se ngjarja ka lidhje me ndonjë akt terrorizmi, por thuhet se drejtuesi i mjetit ka qenë duke u larguar nga një tjetër skenë krimi në një zonë tjetër.

Incidenti raportohet të ketë ndodhur pas orës 17:00 me orën lokale.

Lidhur me këtë rast, Policia ka arrestuar një person të dyshimtë i cili tashmë ndodhet në paraburgim.

Shtëpia e Bardhë “po monitoron nga afër situatën në Wukesha” dhe shprehu solidaritetin “për të gjithë ata që janë prekur nga ky aksident i tmerrshëm”, duke ofruar mbështetje dhe ndihmë për udhëheqësit shtetërorë dhe lokal.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat