Një tërmet me magnitudë 6.2 në brigjet e Kalifornisë Veriore tronditi një pjesë të gjerë të shtetit pak pas mesditës me kohën lokale, sipas të dhënave nga Shërbimi Gjeologjik i SHBA.
Sipas mediave të huaja, tërmeti ndodhi afër Cape Mendocino dhe u ndje deri në San Francisko dhe Chico, Kaliforni.
Sherifi i Qarkut Humboldt, William Honsal ka thënë se “nuk kemi pasur një tronditje të tillë që nga viti 2010”.
Reaguesit e urgjencës po vlerësojnë dëmet, por nuk kanë përmendur ndonjë lëndim apo dëme katastrofike, ndonëse janë gjetur disa dëmtime të vogla në ndërtesa.
Siç thuhet më tej, tërmeti masiv u ndje në jug deri në San Francisko dhe në veri deri në Medford, Oregon.
