​Biden konsultohet me aleatët për Ukrainën

Amerika

​Biden konsultohet me aleatët për Ukrainën

Më: 19 prill 2022 Në ora: 18:36
Presidenti i SHBA-së Joe Biden

Presidenti i SHBA-së Joe Biden zhvilloi sot konsultime me aleatët e tij për zhvillimet e fundit mbi pushtimin rus të Ukrainës, njoftoi Shtëpia e Bardhë.

Qëllimi i bisedimeve ishte të diskutohej për mbështetjen e vazhdueshme për Ukrainën dhe përpjekjet për ta mbajtur Rusinë përgjegjëse mes aleatëve, thuhet në deklaratë.

Ndërkohë, forcat ruse pushtuan qytetin e parë në Ukrainën lindore si pjesë e një sulmi të ri në shkallë të gjerë që Kievi zyrtar e përshkroi si betejën për Donbas-in.

Shtetet e Bashkuara i konsiderojnë veprimet aktuale të forcave ruse si një hyrje në operacione më të mëdha sulmuese në Ukrainën lindore, tha një zyrtar i lartë amerikan.

Folësit me Biden ishin sot kryeministri kanadez Justin Trudeau, presidentja e Komisionit Evropian Ursula von der Layen, presidenti francez Emmanuel Macron, kancelari gjerman Olaf Scholz, sekretari i përgjithshëm i NATO-s Jens Stoltenberg, kryeministri britanik Boris Johnson dhe liderët e Italisë, Japonisë e Polonisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat