Tornado në Kansas të SHBA-së shkakton dëme të mëdha

Amerika

Tornado në Kansas të SHBA-së shkakton dëme të mëdha

Më: 1 maj 2022 Në ora: 08:34
Tornado në Kansas

Tornado i fuqishëm në Kansas të SHBA-së ka shkaktuar dëme të mëdha, nga fotografitë që kanë qarkulluar në rrjete sociale, ku shihen makina të shtypura e ndërtesa dhe shtëpi pa çati.

Shërbimi Kombëtar i Motit (NWS) ka lëshuar paralajmërime për stuhi të rënda për shtetet e Midwest-it, përfshirë Kansasin, Ioëa-n, Misurin dhe Nebraskën.

Në qytetin e Wichita, kryebashkiaku ka thënë se 50 deri në 100 struktura ishin dëmtuar, veçanërisht në periferi të Andover.

Megjithatë deri më tani nuk është raportuar për të lënduar.

Në një konferencë për shtyp të shtunën në mëngjes, zyrtarët lokalë thanë se nuk kishte të vdekur, pavarësisht shkallës së dëmtimit të ndërtesave dhe makinave.

“Lajmi i mirë është se nuk kemi gjetur më shumë lëndime sesa kemi folur mbrëmë. Ne nuk kemi raporte për viktima…nuk kemi asnjë shpëtim të pazgjidhur, kështu që nuk kemi asnjë që dimë se është bllokuar në një ndërtesë tani që po pret që ne t’i shpëtojmë ata”, ka thënë shefi i zjarrfikësve Chad Russell.

Videot dhe fotot e postuara në internet tregojnë tornadon që përshkon Andoverin, duke shkatërruar ndërtesa, me mbeturinat që fluturojnë në ajër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat