Ish-presidenti i SHBA-ve, Donald Trump tregoi fuqishëm se po përgatitet të kandidojë për president dhe tha se një njoftim do të vijë së shpejti.
Trump, i cili ka thënë vazhdimisht se ka marrë një vendim për garën e 2024-ës, u pyet nga Fox News në Konferencën e Veprimit Politik Konservator në Teksas se kur republikanët mund të prisnin një njoftim zyrtar.
“Sigurisht që nuk është një periudhë shumë e gjatë, koha po vjen,” tha ish-presidenti . “Unë mendoj se njerëzit do të jenë shumë të lumtur, vendi ynë nuk ka qenë kurrë në një pozicion si ky, ne kemi humbur gjithçka.”
Trump tha se Amerika po përballet me kriza të politikës së brendshme dhe të jashtme. Në veçanti, ai argumentoi se “prestigji” i vendit ishte dëmtuar nga tërheqja e gabuar e Presidentit Biden nga Afganistani.
“Vendi ynë nuk ka qenë kurrë në një pikë më të keqe”, tha Trump. “Ata dhanë pajisje me vlerë 85 miliardë dollarë, ushtarë të vdekur, ju keni akoma amerikanë atje ndoshta si pengje, përfundimisht do të mbeten peng, nuk ka pasur kurrë një kohë si kjo.
“Ne do të bëjmë një njoftim në një të ardhme jo shumë të largët”, shtoi Trump.
