​Prania e virusit të poliomelitit zbulohet në kanalizimet e Nju-Jorkut

Amerika

​Prania e virusit të poliomelitit zbulohet në kanalizimet e Nju-Jorkut

Më: 12 gusht 2022 Në ora: 23:38
Foto ilustrim

Departamenti i Shëndetësisë së shtetit të Nju-Jorkut ka konfirmuar sot se prania e virusit të poliomelitit është zbuluar në kanalizimet e qytetit.

Zbulimi shqetësues vjen vetëm tre javë pasi një rast u konstatua në kontenë e Rocklandit.

Rasti i poliomelitit në Rockland është i pari që zbulohet pas thuajse një dekade në Shtetet e Bashkuara të Amerikës. Megjithatë, mbërritja e virusit paralizues në Nju-Jork sugjeron shpërndarjen e tij tashmë në komunitet.

Sipas komisioneres shtetërore të Shëndetësisë, Mary Bassett, zbulimi i pranisë së virusit polio në kampionët e ujërave të zeza në Nju-Jork është alarmues, por jo i befasishëm.

“Për çdo rast të zbuluar të sëmundjes paralizuese të polimelitit, qindra të tjerë mund të kalojnë pa u identifikuar”, ka thënë ajo.

Ndërsa nju-jorkezëve u është bërë thirrje që të reagojnë duke marrë vaksinën tashmë ekzistuese kundër poliomelitit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat