Joe Biden nuk i dënoi takimet e fshehta të zyrtarëve amerikanë të sigurisë dhe ministrit të jashtëm rus, Sergey Lavrov, tha një zëdhënës i qeverisë së SHBA-së.
Ishte raportuar se një grup ish-zyrtarësh të sigurisë amerikane zhvilluan bisedime me rusët në lidhje me një marrëveshje të mundshme paqeje me Ukrainën, citon skynews.
Ministri i jashtëm rus, Sergey Lavrov u takua me anëtarët e grupit për disa orë në muajin prill në New York, thanë për NBC News katër ish-zyrtarë dhe dy zyrtarë aktual amerikanë.
Ndërkohë, një zëdhënës i Departamentit të Shtetit amerikan deklaroi se “Administrata e Biden nuk i dënon ato diskutime”.
“Por, kemi thënë vazhdimisht, asgjë për Ukrainën pa Ukrainën”, tha shkurtimisht ai.
Ndryshe, presidenti ukrainas, Volodymyr Zelensky ka paraqitur muaj më parë një plan të paqes, por i cili nuk u pranua nga pushtuesit rus.
